شەفەق نیوز/ یەکیگ لە شارەیل ئالاسکا، تا دوو مانگ ئایندە، ماڵئاوایی لە رووشنایی کرد،لە شار ئۆتکیاگفیک، ئالاسکا ک ئەوسا وە ناو باڕۆ ناسریاگ بوی، خەوەرەگە دەرچگ، و لە رووژ پەنجشەممە، ئەرا دویاترین جاری تا ماوەی ٦٠ رووژ تر ئاوا بوی.

ئەو شار بویچگە، لە باکوور بازنە جەمسەریە باکووریەگە، چگە قۆناغ زمسانیی لە تاریکی، ک ناسریاگە وە ئەو جەمسەری.

ئەلیسزن چینشار خانمە زانای رەوانگەی کەشوهەوا، لە تووڕ CNN وت: شەو جەمسەری سیمایگ سروشتیە، گشت زمسانیگ لە شار باڕۆ بوود، و هەر شاریگ لەناو بازنەی جەمسەری باکووری بوود.

ئی سیما لەوەر لارەوبوین زەوی لە گشت زمسانیگ بوود.

بەڵکم ئەوە نیە ک شارەگە وەیەکجاری تاریکەو بوزد، ک چینشار وت؛ فرەی ساعەتەیل رووژەگان کەفنە ماوەیلیگ ک وەپیان ئووشن شەفەق مەدەنی.

وتیش؛ هیورەو بکە لە شیوەی ئاسمان وەرجە خوەرهەڵاتین، یا دویای خوەرئاوایی، ئەوەیە ک لە چەن ساعەتیگ لە رووژەگە دویننەی، و تا ٢٢ کانون دوویەم، هەنای دووارە خوەرەگە دەرچوود.

و ئەیە تەنیا شاریگ لە ئالاسکا نیە ک زیان لە شەفەق مەدەنی وەخوەی دوینێد، بەڵکم خوەی یەکەمە لە لیست شوونەیل شەوە جەمسەریەگان، لەوەر دویریەگەی وەرەو باکوور.

ئەگەر دانیشتوەیل ئۆتکیاگفیک خوەشیان لە ژیان شەوانە نیەتیەێد، توێنن بنووڕنە وەرز تاوسان، ک وەپێچەوانەو لەلایان بوود، ک ناسریاگە وە خوەر ناوڕاس شەو، یا رووژ جەمسەری.