شەفەق نیوز/ ئەناستازیا بانۆڤا شاجوان ئۆکرانیا،  ئەرا رووژنامەوانەیل باس هۊردەکاری رەوش مرۆیی وڵاتەگەی کرد ک زیان لە نەهامەتی جەنگ وەخوەی دۊنێد، و هەمیش باس رووژانەی خوەی کرد ک لەوەر پەلامار رووسیا لەبان وڵاتەگەی یە زیاتر لە مانگیگە کیێڤ وەچەو نەیە.  

بانۆڤا وتیش: لە بیس و چوار شوبات، سەختترین مەوقە ئەرا ئۆکراینا دەسوەپی کرد،  ک تا ئیسە هاناو جەنگیگ راسی.    

وتیش: دۊای دوو رووژ لە جەنگەگە لەسەردان تورکیا بۊیە تا پڕتاڵ بسینێد، چۊنکە خوازیە لە ئاهەنگ شاجوانی جەهان ئەرا گەشتوگوزاری و ژینگە لە وڵات میسر بەشداری بکەێد، و هەنای مەوقەی دەرچگنی لە ئیستەنبول هات، جەنگەگە دەسوەپی کرد و کاروانە ئاسمانیەگە پۊچەڵ کریا.  

وتیش: لەو مەوقە داڵگم هەر ساعەتیگ تەلەفۆنم کردیاد تا باس فیکەی هوشداری بکەێد و چگنیان ئەرا شۊن پەنایی، و باوگم تۊش سەرەتان هاتیە و گڵووڵە بۊە، و داڵگم دەسی گرێد. 

شاجوان ئۆکرانیا هەمیش وت: مووشەکیگ رووسیا نزیکبۊ لە سەرەتای ئی مانگە خوەشکەگەم بکوشێد، هەنای وەگەرد دۊت دوو ساڵانی مووشەکیگ وە دۊری ٢٠٠ مەتر لەلیان تەقیەو. 

بانۆڤا وتیش: جەنگەگە ژیان سرووشتیمان ویران کرد، و فرە کەس تەرفتۊن دەیشت وڵاتەگە کرد، هەرچەن فرە دووس وڵاتیان دیرن.