شەفەق نیوز- سەروک کومارەیل ئامریکا هەر کامەیان بڕێ ئاژەڵ و حه‌یوان دەسی، لە تیتگ و پشی گرتگە تا سووسمار، وەرد خوەیان بردنەسە کووشک ئسپێ.
ئی‌جارە ک سەرەی جوبایدنە ئەو گەماڵەگەی خوەێ ک نامێ (مەیجر)ە و لە بنەتۆمەیارە‌ێ ژرمەن شپردێگە و یەکێ لە هام‌وازییەیلەی بایدنە، دبەێگە کووشک ئسپێ.
چەن وەخت پێش، بایدن دە رم‌و‌گڵوو کردن وەرد گەماڵەی پای پێچ خواردبی گلیا و قولێ شکیابی.
لە قەرار، زاڕووەیلەێ جوبایدن وەێ تازەیەیلە پشیلەیێگیش سەننە ک وەرد خوەێ دبنەێ وە کووشک ئسپی، ئمجا یەکێ لە کەڵکەیل بایدن و هووز کاخ ئسپێ دبێگە هامترازی دە نامەین جیگای ئی دو بەسەزوانە.