شەفەق نیوز/ هەرچەنە چەوری بان جگەر یەکیگ نییە لە بیمارەیل درویژخایەن باوجی هاتێ ری دروسیگ ئەرا چارەسەری پەیانەکرێد کاریگەریەیلی ئەرا ماوەی درویژیگ بمینێد و قورتاربوین لەلی سەخت بوود.
شارەزایەیل مژار تەندروسی ئوشن، شێواز ژیان و سیستم خوەراک هووکار سەرەکین وە تویشهاتن وە چەوری بان جگەر.
نووشین نووشەمەنیەیل گازی و وزەبەخش و کهولی و خواردن چەور و خێرا و زیایچگن لە خواردن شەکر بەشیگن لەو ریەیلە ئەرا تویشهاتن وە بیماریەگە.
پزیشکەیل دووپاتکەن لە پێیەرزکردن لە خواردن وەکارهاوردن دەرمان تایوەت و وەرزشکردن ئەرا قورتاربوین لەلی باوجی کرێد ریگایگ سروشتی بوود کە شەربەت چەوەندەر یەکیگە لەوانە.
ئەو کەسەیلە چەوری وەبان جگەریان هەس توەنن رووژانە لیوانیگ شەربەت چەوەندەر سروشتی بنوشن لەو گیچەڵ تەندروسیە قورتاریان بوود، چوینکە چەوەندەر دەوڵەمەنە وە مادەیل بیتالین و نترات کە تایوەتمەنی دژەبەکتریا و دژە هەوکردن دیرن.