شەفەق نیوز/ پیاویگ ئێرلەندی، وەزەخمەیل پەلامار کەڵەشیریگ، گیانی لەدەسدا.
گاسبەر کراوس، کەفتە وەر پەلامار کەڵەشیریگ لە چین "براهما"، ک پای زەخمدار کرد.
دویای پەلامارەگە، کراوس خوین فرەیگ لەلی وەربوی، وەگورەی قسەی ڤیرجینیای دویەتی ئەرا رووزنامەس "ميرۆر" بەریتانی.
ڤیرجینیا وت: یەکیگ لە هاوسایل باوگی تەلەفۆنی کردگە، وتیە دەنگ قیژەی کراوس ژنەفتیە، و پەیوەندی وە فریاکەفتن کردگە.
ڤیرجینیا خوەی رەسانە ماڵ باوگی، و نووڕست ک باوگی خەڵپان خوینە، و پزشکەیل خوازن بڕەسنە هانای.
ڤیرجینیا نووڕست ک خوینەگە تا کولانەی مامەریل رەسیە، و لەش باوگی وە دەنویک کونایل قویلیگ کریاگە.
وتیش: یەکیگ لە کەڵەشیرەیل دەنویک و جنگیڕی وەخوینەو بویە.
کوری هاوسای کراوس وت: کراوس چیە دان بەێدە مامەریل، و دویای گڕیگ دەنگ قیژەی هاتە بان.
کراوس لە ژیر دەس پزشکەیل، وەرجە مردنی، تەنیا وشەیگ هاتە دەنگ، ک وت: کەڵەشیر.