شەفەق نیوز/ پەتاتە یەکیگە لەو خوەراکەیلە ئەزرەت فەرەیگ هابانی، وە برشیاگی یان کوڵیاگی، باوجی وەرجە ئامادەکردنی تووکڵەگە لەلیکریەد و وەپاکەوکریاگی خوریەد بی ئەوەگ سوود لە تووکڵ پەتاتە وەئاگا بوون.
تووکڵ پەتاتە شەش سوود گرنگ دیرێد
1-پێکهاتەی تووکڵ پەتاتە دەوڵەمەنە وە پۆتاسیۆم و کانزای وەسوود ئەرا لەش، ئیەش خاسترین وزەس ئەرا مێشک و ئامێر هەستە دەمارەیل لە لەش.
2-بڕیگ فرە مادەی ئاسن و ڤیتامین بی 3 هاناوی ک کارە سەرەکیەگەی ئاڵشتکردن کاربۆهێدراتە ئەرا وزە و ئی مادەیش دەسمیەتیدەرە ئەرا بڵاوکردنەوەی وزە ئەرا خرۆکە و خانەیل خوین، لەهەمان وەخت پارێزگاری لە سەڵامەتی خوین کەێد.
3-خواردن تووکڵ پەتاتە هووکاریگە ئەرا بەخشین رێژەی پێویست لە پرۆتین و ڤیتامین و کاربۆهێدراتە وە لەش.
4-تووکڵ پەتاتە بڕیگ فرە مادەی کانزا هاناوی ک خوەراک پێویست دەێد وە خوین.
5-خواردن هووکاریگە ئەرا گورجکردن کردار هەرس، چوینکە دەوڵەمەنە وە ماددەی ڕیشاڵی.
6-بوودە هووکار مژین بەرهەمەیل کلوکۆز، ک هووکاریگە ئەرا کەمەوبوین رێژەی شەکر خوین و پاراستن لەش لەی بیماریە.