شەفەق نیوز/ چشتەیل دەسکرت فلۆلکلۆری کوردی لە شار سلێمانی، لەلایەن گەشتیارە عەرەویەیلە و بیگانەیلە بازاڕ گەرمیگ وەخوەیان دین، وە تایبەت لە دڵنگ و پرتاڵ و کیف رەنگاوڕەنگ ک دڵخوازەیل کەشخە لە ژن وپیاوەیل خوازنەی.
ئارام سەعید یەکیگە لە خاوەن دوکانەیل فرووشتن و دروسکردن کیف لە بازاڕ سلێمانی، ئەرا ئاژانس شەفەق نیوز ئویشێد: فۆلکلۆر کوردی لە نووەو ئەرا وەرچەو کڕیارەیل لەسای خوازین گەشتیارەیلە وە نووەوکردن جارانی و ئیسە گلەو خوارد.
سەعید هەمیش وت: ئیسە بازاڕ قالی چنیای و کیف رەنگاوڕەنگ گەرمە و داواکرنیان زیایەو بویە، و ئیمە کار لە دروسکردن و فرووشتن کیفەیل جووراجور ئەرا ژن و پیاو کەیمن، ک ناسریاگە وە قایمی و رەنگینی و رەنگەیل جووراجوری ک وەگورەی گشت تەمەنەیلە گونجیاگە.
وتیش؛ نرخ کیفەیلە هالە ناونی ١٥ هەزار تا ٥٠ هەزار دینار، و فرە گونجیاگە وەگورەی چشتەیل بازاڕ ک لە پووس چشتەیلیگ پلاستیکی درووس کریەن.