شەفەق نیوز/ نەتەوە یەکگرتگەیل لە رووژ دامەزراننی تا ئیسە، زیاتر لە ١٠٠ رووژ جەهانی دیاری کردگە، لەناویان رووژ زەریا ک کەفێدە ٨ حوزەیران، و رووژ ناودەوڵەتی ئاشتی لە ٢١ ئەیلوول، و رووژ ماف مرۆڤ لە ١٠ی کانوون یەکەم، و رووژەیلیگ تر ک بۊنەسە ساڵیاد و ئاهەنگ وەپیان کریەێد.
ریخریای یونیسکۆ ئۊشێد: رووژەیل جەهانی لە نەتەوە یەکگرتگەیل، چینەیل گرنگیگ لە ژیان و مێژوو مرۆ نشان دەن، و دەرفەت ئەرا ئەنجامدان چالاکیەیلیگ پەیا کەێد ک پەیوەندی وە هۊرکردن هەر رووژیگ جەهانی دیرێد.
یەیشە ئی رووژەیلەسە ک هیلێد ماوەی ناوبەین کانوون دۊیەم و ئادار فرە جیواز بوود:
سێلفی موزەخانە
ئی رووژە لەلایەن خانمە پسپۆڕ لە باوەتەیل کەلتوور دیاری کریا، ک لە ساڵ ٢٠١٤ رووژ جەهانی ئەرا سێلفی موزەخانە دیاری کرد.
و لەو رووژە تا ئیسە لە سێەم رووژ چوارشەممە لە مانگ کانوون دۊیەم لە گشت ساڵیگ ئاهەنگ وەی رووژە کریەێد.
پێشبڕکێی سێسەرگ
لە کانوون دۊیەم گشت ساڵیگ لە ئوسترالیا بەڕنامەیگ ئەنجام دریەێد وە ئاهەنگەیل گووشت برشیان و ریپیوان و رووژ ئوسترالیا ئەرا پێشبڕکێی بەلەن لە بەندەر سدنی، و لە خود وەختەگە ئاگربازی لە شار بئرس نمایش کریەێد.
وەگەرد ئەوەیش، لە هوتێل "ستۆری بريدج" لە بریسبان چشت ئەڵاجەۊییگ کریەێد، ک بڕیارە خول شمارە ٣٩ لە جام تەڵایی پێشبڕکێی سێسەرگ بکریەێد.
رووژ رۆنبیرگ
وەخاتر شاعر نیشتمانی فینلەندی سویدی، یۆهان رۆنبیرگ ک لە ٥ شوبات ١٨٠٤ لەداڵگبۊیە، لەی رووژە لە گشت ساڵیگ پەرچەم بەرزەو کریەێد.
رووژ جەهانی ئەرا ئامێر میوزیک کونە
ئەوەیش رووژ خوەشیگە ک وە ئامێر میوزیک مەزنیگ کریەێد، ک لە ساڵ ٢٠١٢ رووژ ١٠ی ئادار کریا رووژ جەهانی ئەرا ئی ئامێرە.