شەفەق نیوز/ ماڵپەڕ "بی ئێف ئێم" فەرەنسی راپۆرتیگ بڵاوکردیە و پیشبینی کەێد لە وەرز زمسان جەهان رویوەروی بەرزەوبوینەوەی پەتای ئەنفلۆنزا بوودەو وە تایبەت لەو وڵاتەیلە ک ئاست مقەیەتیکردنیان وەگورەی خوازین نییە.
لەو راپۆرتە ک وە زوانی پسپۆرەیل بڵاوکریاگە راگەیانیە، وەگەرد کەمەوبوین رێکارەیل مقەیەتیکردن لە کۆرۆنا پیشبینی کریەێد وەرز زمسان بانان ئەنفلۆنزای وەهازیگ گلەوبخوەێد.
وەپای راپۆرتەگە وە مدووی نەبوین شەپوول ئەنفلۆنزا لە دوو زمسان گوزەشتە بویەسە هوکار داوەزین وەرگیری لەش مەردمەگە وەرانوەر وە ئەو پەتا، یەیش بوودە هوکار ئەوەگ ئاست تویشبوینیان بەرزەو بوود.