فێرناندا پاچیکۆ فێراز، خوەنوار بەڕازیلی، لە پۆلەو وەرەو ماڵ چیاد، کە ئەو کەلەمە لەلی قومیا، وەگورەی بڵاوکردن رووژنامەی ئیندیپێندێنت .
وەقسەی وەچەودیەیل، ئەو دویەتە تەمەن ١٣ ساڵە لە پشت پاسەگە دانیشتیە و بڕیار داگە سەری لە پەنجەروگەو درارێد.
ئەو دویەتە ماڵئاوایی لە هاوڕیەیلی کردیاد کە لەناو جادەگە وسیاوێن، پاسەگە سەری دادە قەی ستوینیگ کۆنکرێتی و سەری زەخمدار بوی.
کارەساتەگە لە شار نۆڤا فریبۆرگۆی نزیک ریۆ دی جانیرۆ لە بەرازیل روی دا.
وەپەی زانیارییەیل کۆمپانیای پاس نۆڤافۆڵ، شۆفێرەگە دویای ئاگادارکردنی لەلایەن سەرنشینەیل ماشینەگەی وسانیە.
رانندەی پاسەگە کە زیاتر لە 10 ساڵە لە کۆمپانیاگە کار کەێد، لایەن پەیوەندیدار و تیم وەڕێوەبردن کۆمپانیاگە ئاگادار کردیە.
خزمەتگوزاری فریاگوزاری رەسینە شوین رویداوەگە، بەڵام فریاگوزاری سەرەتایی تەنیا توەنستن مردن دویەتەگە ئاشکرا بکەن.
وەزارەت پەروەردەی ویلایەت ڕیۆ دی جانیرۆ دویای مردن ئەو هەرزەکارە بەیاننامەیگ بڵاو کرد و ماوەی پرسەی دوو رووژ راگەیان و تا ماوەی هەفتەگە وانەی خوەنستن لە مەکتەوەگە وسان.