شەفەق نیوز/ پسپۆریگ خوەراک ئاشکەرایکردیە، ئەگەر هات کێش لەش لەماوەی شەش تا12 مانگ وەبی ئەوەگ پیەرز بکەێد زیاتر داوەزێد، ئەرا نموونە کەسیگ لە (۷۰کیلۆگرام ) داوەزێ ئەرا ( ٦٤ کیلۆگرام)، ئەوە هەوەجەی سەردانکردن دکتۆرکەێد ئەرا دیارکردن هووکارەگەی و دڵنیابوین لە نەبوین هویچ بیماریگ.
دکتۆر کامەران ژاژڵەیی پسپۆر زانست خوەراک لە پەڕەی فەرمی خوەی لە فەیسبوک هووکارەیل داوەزیان کێش وە خێرایی وەیجویرە خستیەسە روی:
یەکەم: غودهی ژههراوی (غودهی سام ): فرە گورجەوبوین رژێن غودهی دهرقی.
دویەم: بیماریی شهکره.
سێیەم: بیماری گهنم ( سیلیاک ) و هەستیاریی وه گلۆتین.
چوارەم: وەکارهاوردن بڕیگ دەرمان وەشیوەی وەردەوام جویر: چارەسەر کیمیاوی بڕیگ لە جویرەیل دهرمان بیماری دهروینی و بیماری شهکره.
پەنجەم: دڵهڕاوکێ و خهمۆکی و نائومێدی و فشار فرەیگ رووژانە.
شەشەم: بیڕیگ بیماری کۆئهندام ههرس جویر زەخم گەیە و بیماری ههوکردن درویژەوەختە ریخەڵوی ( بیماری کڕۆنز و هەوکردن قۆڵۆن).
هەفتەم: سستی دڵ و سستی و وسیان گورجگ.
هەشتەم: بیماری ئهدیسۆن کە تێکچگن رژێن ئهدریناڵەیلە.
نۆیەم: بیماری لە هویرەوچگا و ئهلزههایمهر.
دەیەم: بیماری یویە و سستی کۆئهندام ههناس.
یانزەیەم: ئالودهبوین وه خواردن کهول و مادده هۆشبهرهیل.
دوانزدەیەم: بیماری خهمۆکی و پارکنسۆن و ئایدز.
سیانزدەیەم: داشتن کرم و مشهخۆرهیل.