شه‌فه‌ق نيوز/ بيجگه ئه‌و زه‌نگه‌يله ك هوشيارێ ئه‌يه‌نه گه‌شتيار ك بنيشن له شوونه‌يل خوه‌يان يا ڕيداين وه جموجويليان له‌ناو ته‌ياره، وه‌ل ئه‌وه‌يشا وه‌زيفه‌يگ تر پڕ له ئه‌هميه‌ت هه‌س ك زويتر خانمه خزمه‌تكاره‌يل ناو ته‌ياره‌گه ئاگادار مه‌ردم له‌لى نه‌كردنه!
ئه‌و ده‌نگ و ئاوازه‌يل خوه‌شه وه‌سيله‌يگه ئه‌را په‌يوه‌ندێ له ناونى تاقم ته‌ياره‌گه‌و جوور وشه‌ێ نهێنيه له ناونيان، وه‌لێ ئه‌ويش ته‌نيا له ناونى قوبتان و خانمه خزمه‌تكاره‌يل له‌وه‌ر ئاگاداركردنيان له كاره‌يل جياجيا.
ئمجا هه‌ناى ك ئه‌و ده‌نگه‌يله ژنه‌فێد، ماناێ ئه‌وه نيه ك روێداگيگ هه‌ڕه‌شه له سه‌ڵامه‌تى گه‌شتياره‌يل ئه‌كاو قوبتانه‌گه ناخوازێد نگه‌رانى و ئاژاوه له ته‌ياره‌گه دروس بدێ، به‌ڵكوو ئه‌و ده‌نگه‌يله له‌وه‌ر رينمايى نهێنى ئه‌را خزمه‌تكاره‌يل له قوبتانه‌گه‌و ئه‌درێه‌ێد يا له‌ناونى خود خانمه خزمه‌تكاره‌يل.
شيواز وه‌كارهاوردن ئى ئاواز و ده‌نگه‌يليشه جياواز ئه‌دێ وه‌ل جياوازى كومپانيايه‌يل ته‌ياره‌وانى.
جارجاريگيش قوبتانه‌گه له‌ڕى وه‌كارهاوردن ئه‌و ئاوازه‌يله شايه‌ت داواێ قاوه يا ئاو يا چشته‌يل تر بكا، هه‌ر وه‌و خاتريشه ئه‌و ئاوازه‌يله وه‌كار ئه‌يه‌ريه‌ێد له‌ناو ته‌ياره نه‌ك ئه‌را روێداگيگ ك هه‌ڕه‌شه بدێ له سه‌ڵامه‌تى گه‌شتياره‌يل.
