شەفەق نیوز/ چەن مەلەوان ژیر دەریاییگ وە تاقیکردنەوەی دەگمەنیگ رەدبۊن مەوقەی ئەو زیندەوەر دەریایە  لە کنار ئاوەگان نیوزلەندا دین، وە جۊریگ لە تاریکی وەرەو رۊیان  هات و تۆقیان پەڕی.    

ئەو زیندەوەرە ناوی " Pyrosome"ە، سەرەرای ئەوەگ ڕخبەر دیاربۊی ئەرا مەلەوانەگان لەوەر ئەوەی قەبارەی گەپێگ داشت، باوجی لەراسی زیندەوەر بیوەییگە و ئایەم توانێد لەلی نزیک بوود وەبی ئەوەگ مەترسی ئەرای دروس بکەێد، جۊر  ئەو هەواڵە ک ماڵپەڕ "لوبنان ٢٤" باسیکردیە.   

ئێ زیندەوەرە وە بەشیگ لە خێزان زیندەوەر دەریایی " tunicates" دانریەێد ک وە نافورەی دەریا ناودارە، و بڕیگ ناونازاری تریش  دیرێد جۊر گەوزەڵەک دەریا یا هیلامی دەریا.    

درۊژی ئێ زینەوەرە نزیک هەشت مەتر بۊی، شیوەی لە نایلۆنی ئەکرد، ئێ زینەوەرە تەنها لە شەو دەرچوود و وەرە رۊی دەریا چوود لەورەیش هەر چشتێگ دەسیبکەفێد خوەێدەێ.