شەفەق نیوز/ تیمیگ لە زانایەیل فیزیایی وە سەرۆکایەتی زانای فیزیای ئەتۆمی "یۆسۆکی کۆندۆ" لە پەیمانگای تەکنەلۆژیای تۆکیۆ لە ژاپۆن، ئۆکسجین-٢٨ پەیاکردنە، کە شێوەی نوویگ لە ئۆکسجینە.
وەپای باوەتیگ ماڵپەڕ "ئێن دی تی" ، پەیاکردن ئۆکسجین-٢٨ یەکیگە لە خاسترین جویرەیل ئۆکسجین کە لە فرەترین شمارەی نیوترۆن پێکهاتیە کە تا ئیسە لە ناوک ئەتۆم ئۆکسجین دوینریاوێد.
توێژەیەیل لەوەخت تاقیکردنەوە سەرکەفتی بوین لە بەرهەمهاوردن دوو ئەتۆم جیاواز کە یەکیگیان ۲۰ نیوترۆن هاناوی و ئەوەکەش ۱۹ نیوترۆن هاناوی، وەپاییە ئۆکسجین-٢٨ و ئۆکسجین-٢٧ وەدەسهاوردنە.
ئی جویرە ئۆکسجینە فرە دەگمەنە، لەوەرفرەیی شمارەی نیوترۆن و پرۆتۆنەگان، ئیەش نوێنەرایەتی پیشکەفتن فرە گەپیگ کەێد و گرنگی فرەیگ دیرێد ئەرا تاقیکردنەوەی ئەتۆمەیل ئایندە و لێکۆڵینەوەی تیۆرەگان.