شەفەق نیوز/ زانا و توێژەرەیل بەریتانیا و ئەمریکا کار لەبان پرۆژەیگ کەن ئەرا گلەوداین باڵندەی "دۆدۆ" ئەرا زندگی، ک لە سەدەی 17-ەوە فەوتیاگە.
کۆمپانیای "کڵۆساڵ بایۆسینس"ی ئەمریکی کە بارەگای سەرەکیی لە داڵاسە لە ویلایەت تەکساس، وە بڕ 150 ملیۆن دۆلار کار لەبان پڕۆژەیگ کەێد ئەرا ئەوەگ ئەو باڵندەیە گلەوبدەێد ئەرا زندگی ک زیاتر لە 350 ساڵە بوونی نەمایە.
توێژینەوەی کۆمپانیاگە تیشک خەێدە بان "ترشە ناوک" باڵندەگە و رێکخسن جینەگان، لەدیایش دۆزینەوەی باڵندەیگ ک لە دنیای ئمڕوو لە رووی جویر لە باڵندەی "دۆدۆ"وە نزیک بوود هەتا بتوەنریەێد لەری جینەگان ناوی لەناوی بکاڵیەێد باڵندە لە فەوتان گلەوبدەێد ئەرا زندگی.
کۆمپانیاگە لەو بەڕنامەیە وە شیوەیگ زنجیرەیی کار لەبان گلەوداین فیل "مامۆس" و "پڵنگی تاسمانی" بکەێد ئەرا زندگی.