شه‌فه‌ق نیوز- هاتن فه‌زای مه‌جازی، جیا له گشت خاسییه‌یله‌ی، بییه‌سه کولانچه‌ی کلمنجڕێ ئه‌ڔا کاره‌یل دزیه‌تی.
سه‌رهه‌نگ داوود موعه‌زه‌می گووده‌رزی، سه‌روک پولیس فه‌تا ک چاوداری له فه‌زای مه‌جازی ده ئێران دکهێ، وت: پانزه سایت سه‌نین و فرووشتن کورپه‌‌ی چه‌ن رووژان و چه‌ن مانگان، ک یه‌کێ له جرمه‌یل سامان‌گرتگ و پێشکه‌فته‌سه، کریانه‌سه دی.
ئه‌وی وت: ئا ئێسه وه پر‌س‌و‌جووه‌یلێ ک کردیمنه، توانستمنه ک دوان له‌و هیرده‌ڕووه‌یله دزریاگه ئه‌ڵگه‌ردیمنه‌و.
ئه‌و وت: هه‌ر چه‌ن ک تا ئێسه بان هه‌شتا له سه‌د په‌روه‌نده‌یلێ ک پولیس شوونگیرییان کردگه، وه سه‌رئه‌نجام ره‌سینه، باوجی وه داخه‌وه چوون هێمان فه‌رهه‌نگ ئیمه وه‌وچوونه ک خاس و راسه جی نه‌که‌فتگه و له‌ولاویش ئینترنت تا هه‌ر کوڵه‌سووکێ و بن ماڵێ چگه و وه ده‌س دز و درووزنه‌یلیش که‌فتگه، فره له کاره‌یله‌ی ک پولیس له‌ی‌وا دکهێ، بوونه‌سه که‌فتن وه شوون دووزه‌مه‌یل و جوور چشتێ، یه‌کجوور دوماکاری هساو دبن نه نوواگیری یا سه‌ر رێ گرتن له موجرمه‌یله ده هه‌نسای ئه‌نجام داین جرمه‌یله‌یان.