ئومەیمە عەبدلجابر باس ئەو رووژەیل رخبەرە کرد کە دویای ئەوە کە شویەگەی نادەی قەور تا لەناوی بیەێد، و وەی شیوەی شوینیگ ئەرا تاوانەگەی دیار نەمینێد، و ئیجا مووچە و میراتی بکەفێدە دەسی.

ژنەگە ئەرا تەلەفزیۆن وت: دەمەقاڵیگ کەفتە ناوەین خوەی و شویەگەی، چوینکە دڵی نەویە بچوودە دەیشت وڵاتەگە کار بکەێد.

شویەگە بڕیار دا شوین ئی ژنە بووڕێدەو، و دەرمان خەفتن دادە دەرخواردی، و هەر لەناو خەو بوی، نادەی قەورسانیگ لە باکووری سعید.

وتیش؛ هویچ ئاگای نەویە، تا لە خەو هەڵسیا، و نووڕیە ها شوینیگ تەنگ و تێریک.

وتیش؛ لەناو ئەو شوینە زیڕە کردم، و هویرەو کەم یە چە وەسەرم هاتیە، و لە هووش خوەم چم، و دووارە تیەمە هووش.

ژنەگە وتیش: چشتەیل رخبەر و ئەڵاجەوی لەو شوینە دیمە.

وتیاد؛ گشت ئەو رووژەیلە هەر قیژە هاوار کردمە، تا رووژ سێیەم، دەنگم رەسیە گووش ریواریگ، ئیجا رەسینە هانام، و قەورەگە واز کردن.

ئومەیمە باس بەدبەختی خوەی وەگەرد شویەگەی کرد، کە وت: باوانم رازی نەوینە شوی وەی پیاوە بکەم، وەلێ من پا کوتامە زەوی و ناچاریان کردم.

وتیش؛ دویای ئەوە ناچار بویمە وەگەرد بەد رەفتار و گفتولفت شویەگەم گوزران بکەم، وتیش؛ دویای ئەوە کە چگمە دەیشت وڵاتەگە تا جویر پەرستار کار بکەم، شویەگە گشت مووچەگەم زەفت کرد، و هەڕەشەی زەفتکردن دویەتەمیش دا.