شەفەق نیوز/ لە 13 ئاب گشت ساڵیگ یاد رووژ جەهانی چەپێڵەیل کرێد، ئێ رووژە لە ساڵ 1976 وەلایەن  "دیێن کامپبێڵ"، دامەزرێنە کۆمەڵەی چەپێڵەیل دەستنیشان کریاگە، وە ئامانج بڵاوکردن هووشیاری دەربارەی ئاڵنگارییەیل نوای ئەو کەسەیلە زیارتر لە ژیان رووژانەیان دەس چەپ وەکارتیارن.

 وەپای ئامارەیل، نزیکەی 7% تا 10%ـ جەهان چەپێڵن. ئیەیش هووکار بۆماوەیی، ژینگەیی و شێواز ئوزەڵکردن مێشک کۆرپەلە لە ماوەی دووگیانیە.