شەفەق نیوز/ پیتزا یەکیگە لەو خواردنەیلە لەسەرانسەر جەهان وە شیوازەیل جیاواز دروسکرێد و مەردم خواست فرەیگ لەبان خواردنی دیرن، وەپای ئامارەیل ماڵپەڕ “statista” جەهانی ساڵانە لە جەهان پەنج ملیار پیتزا خوریەێد، کە لە رووژیگ رەسێدە نزیکەی ١٣.٧ ملیۆن پیتزا.

ئیە ئەوە رەسنێ، ئێ  خواردنە لە بەشیگ فرە لە وڵاتەیل جەهان دروس کرێد و خواست فرەیگ هابانی، لە خود وەختەگە کە خواردنیگ ئیتالیە و سەرەتا لەبان جادەیل  فروشیاس  دویایی رویکردیەسە چێشتخانەیل، ئیرنگەیش شێفەیل هانە کێبڕکێ لە دروسکردن خوەشترین پیتزا.