شەفەق نیوز/ تیم تووپان پرسپولیس تێهران، نمایەندەێ ئێران دە لیگ قارەمانان ئاسیا ک رووژ شەمە، وە 24 ئوکتوبر، ک لە هساو دە وەرزێشتگای "فەیسەڵ بن فەهەد" سعوودیە، وەرد ئەڵهڵاڵ عەراوستان، وازی دیرێ، یەک رووژ دۆماتر چگ ئەڕا ریاز.
ئی تیمە، دوێکە چەنە پەنج شەش ساعەت دە فڕۆکەخانەێ مێهرئاباد تێهران، چەمەڕێ گرتن جەواز لە لایەن سعوودییە بی تا وە تەیارە ئەڵفڕن ئەڕا ریاز ک ئی جەواز نەدریا وەیان و گلەو خواردن ئەڕا ماڵ.
هەواڵنێری ئیسنا دە ئێران وتگە: ئەو پێشهاتگەێ دوێکە ئەڕا یە بییە ک تیم پرسپولیس خوەێ دێرتر، داخوازەگەێ خوەێ ئەڕا چگن کل کردگە ئەڕا عەراوستان.