شەفەق نیوز/ میدیایل راگەیانن، ئمڕوو شەممە، خەوەردان ک خرسیگ بویچگ دیار بوی سەرخوەشە، و نشنانەیل وڕی لەلی ئاشکرا بوی، دویای ئەوەگ هەنگوینیگ خواردیە لە چینیگ هووشبەر، لەناو یەکیگ لە دارسانەیل تورکیا.
ئەو خرس بویچگە پەیای کریا لەناو گیژی فرەیگ بویە، و هەر جویر سەرخوەش رەفتار کردیاد، هەنای دانریا ناو پیکاب.
سکای نیوز ئویشێد: مەزەنە هەس ک ئی خرسە سەرخوەش بویە چوینکە بڕ فرەیگ لە "هەنگوین شیت" خواردیە، ک چینیگە لە هەنگوین داریگ گوڵ، ک سەرخوەش بخوەری کەێد.