شەفەق نیوز/ کەموتەریگ «زاجل» ک سەرچەوەگەی لە بووسانیگ بەلجیکیە، فرووشیاگە ئەرا بسین چینیبگ، وەنرخیگ پەیمانەیی رەسیە بایی ١،٦ مەلیۆن یۆڕو، لە بانگەشەیەگ ئاشکرا لە بان ئەنتەرنێت، ک لەلایەن پلاتفۆڕم «بیجون باردای» رێکخریاگە.

«نیو کیم» مایە کەموتەریگە سەرچەوەگەی لە بووسان وەناوبانگیگ لە ناوچەی ئەنتوێربە لە باکوور بەلجیکا، بویە گرانترین کەموتەر لە جهان، و بویە گرانتر لە کەموتەریگ تر لە ناوچەی فلاندەر ک خوەی نیرە بوی وەناو ئەڕماندۆ، ک لەساڵ ٢٠١٩ ئەرا خود بسینەگە وە بایی ١،٢٥ مەلیۆن یۆڕو فرووشیا.

نیکۆلاس گیسلبریشت دامەزراێنەر پلاتفۆڕم بیبا ئەرا ئاژانس فرانس پریس دووپاتکرد ک ئەو نرخە ک کەموتەرەگە وەپی فرووشیا بویە ژمارەیگ پەیمانەیی جهانی، و دیاک گشت فرووشتنیگ وە فەرمی بەڵکە کریاگە، و تا ئیسە ئیجوور نرخیگ وەدەس نەهاوردیمنە.

وتیش؛ گومان نەیاشتیمن بڕەسیمنە ئی نرخە، و مەزەنە کرد ک وەبی گومان بسینەگە خوازێد ئی مایە ک وەی نرخە سەنەی بخەێدەی لف نیرەگان، و ئاماژە کرد ک ئی مایە چوودەو ئەرا بنچینەی ناوداریگ.