شەفەق نیوز/ ژنێگ ئەمریکی لە پارکیت حکومەتی ئەڵماسێگ پەیاکرد، برەگەی وە (15) هزار دۆڵار مەزنە کرێد.    

خانمێگ خەڵك كالیفۆرنیا وە ناو (نۆرین وریدبرگ) لە وەخت گەشتێگ ئەرا پاركێگ لە  هەرێم (بایك) ویلایەت  ئەركەنساس ئەڵماس زەردێگ پەیاکرد کیشەگەی (4.38) قیرات بۊی، مەزەنە هەس ئەرزشی لە  (15) هەزار دۆلار ئەویان بوود.       

 ‏نورێن لە قسەیەیلی ئەرا ڕووژنامەنۈسەیل وت: " خوەشم هات پاركەگە بدۊینم كە فرە جار ئارەزوومەنەیل  سەنگەیل گران بەها چێدن  ئەرا مینە کردن گوچگەێلە وە تایوەت ئەڵماس".  

وتیش: چەند ساڵێگ گوزەشتە ئەرا یەكەم جار ئەو پاركە لە بەرنامە تەلەفزیۆنیێگ ئیسفاکردم  و لەو وەختە هۊیر  لەوە كردمەو  بایەت سەردانی بكەم.  وەگەرد شۊیگەم  چین ئەرا ئەو پاركەو دەسکردیمنە چاڵکردن و دۆما (40) دەقە کوچگێگ پاك و بریقەدار دیمەو نیشان شۊیەگەم دام دۊیای ئەرا دڵنیابۊین بردیمنە ئەرا لای سەرپەرشتیارەێل پاركەگە ئەوان دڵنیامان كردنەو كە ئەڵماسە.    

ئەو خانمە ئەمریكییە وت: هەرچەنە ئێسە دڵنیام کوچکەگە ئەڵماسەو قورسیەگەی  (4.38) قیراتەو نڕخەگەشی وە (15) هەزار دۆلار مەزەنەکریەگە، باواجی تا ئێستە بڕیار نەدامە چە وەپێ بکەم ، چۊینكە لەو باوەڕەم نرخەگەی لەوە فرەتر بوود.      

پارك (Crater of Diamonds State Park) بەشێگە لە ناوچەیێگ ك (95) ملیۆن ساڵ گوزەشتە  گڕكان گەورەێگ لەناوی هەڵچییە، لە ساڵ (1972) ەوە وەلایەن حكومەت ئەمریكاوە سەنریاگە كریاگە وە پارك حكومیێگ ئەرا کیشان گەشتیارەێلە، باواجی وە جوور جیاوازێگ، بەوەی گەشتیارەێل توانن ئامێر تایوەت وە مینەکردن گوچگ وە نرخەێل وەگەرد خوەیان بووەن و لە پاركەگە وە دویای کوچگ وەنرخ بگەردن، لە پاركەگەش ئامێرو كەرەسەی تایوەت ئەرا ئەو كەسێلە دانریاگە ک بێ ئەو ئامێرەێلە ئەرا گەردینن وە دۆمای گوچگەیل وەنرخ سەردان پاركەگە كەن.