شەفەق نیوز/ پیاویگ ئەڵمانی خانەنشین، کەفتیەسە وەر ململانەیگ یاسایی، دویای ئەوە ک پۆلیس تانک بانسەر لە جەنگ جهانی دوویەم و تووپ دژوە فڕۆکەیل لە ژیر زەمینەی ماڵەگەی پەیا کرد.
وەگورەی ماڵپەڕ بزنیس ئینسایدەر ئەو پیاو ٨٤ ساڵانە کەفێدە وەر باجیگ رەسێدە ٥٠٠ هەزار یۆڕز، لەوەر پێشێلکردن یاسای چەودیریکردن چەک جەنگ ئەڵمانی، ک پارێزەرەگەی ئویشێد ئەو چەکەیلە پەکیان کەفتگە.
وتیش؛ موزەخانەیگ ئەمریکی خوازێد تانکەگە بسینێد ک چوودەو ئەرا سەردەم جەنگ جهانی دوویەم، وەگەرد ٧٩ تفەنگ و بڕێ دەوانچە ک ئەو پیاو پیرە گیان کردگە.
چەکەیلە لە ژیر زەمینەی ماڵ پیاوەگە پەیا کریان وەگەرد بڕێ لە یادگاریەیل سەردەم نازی وەگەرد نیمچە پەیکەریگ ئەرا هیتلێر.