شەفەق نیوز/ ریخریاگ خەیرخوازی "بارزانی" ئمڕوو یەکشەممە، راگەیان رەسانن هاوکاریەیل مرۆیی ئەرا ئاوارەیل ناو کامپ سەردەشتی لە کۊیەی شەنگال.
دامەزراو خەیرخوازی بارزانی ریخریاگ ناحکومەتی و ناسیاسیە و ناقانجازیە، کار لە چین مرۆیی لە هەرێم کوردستان کەێد، لە ساڵ ٢٠٠٥ دامەزریا، ئەوەیش لە رووشنایی قسەی سەرۆک پارتی دیموکراتی کوردستان مەسعود بارزانی ک وت "شانازیە ئەرا ئایەم ک لە خزمەت گەل خوەی بوود"
بیر دیان وەرپرس نۊسینگەی شەنگال لە ریخریاگ خەیرخوازی بارزانی ئەرا ئاژانس شەفەق نیوز وت: ئەو هاوکاریەیل مرۆییە ک ئمڕوو رەسیە کامپەگە، وە فەرمان مەسرور بارزانی سەرۆک حکومەت هەرێم کوردستان هات.
دیان وتیش: هاوکاریەیلە ٤٠ لەتر نەفت چەرمگ، و گونیەی ئارد ئەرا هەر خیزانیگ لەناوی بۊی، وتیش: ئی هاوکاریە ئەرا ١٣٠٠ خیزان ئاوارە لەناو کامپەگە بەشەو کریا.
ئی کارە دۊیای خراوبۊین رەوش گوزەرانی ئەرا ئاوارەیل کامپ سەردەشتی لە کۊیەی شەنگال هات، ک ناوچەگە کەفتە وەر شەپۆل وەفر، هیشت ریە سەرەکیەلە بووڕیەن، و داوەزین گەورەیگ لە پلەی گەرمی.