شەفەق نیوز/ رۆبۆتیگ جویر خوەنەواریگ دکتۆرا لە زانکۆیگ چینی پەسەن کرێد.

لەناوەین کۆنفرانسیگ ناودەوڵەتی زیرەکی دەسکرد لە شار  شەنگەهای، ئرا یەکەمجار لە جەهان رۆبۆتیگ لە ل زانکۆییگ فەرمی ناو توومارکەێد، کارت خوەنەواری وەرگرێد  و بەشداری وتارەیل کەێد.

رۆبۆتەگە ناوی "Xueba" پەیوەنی کردیە وە پرۆگرام دکتۆرا لە مژار دراما و خوەنستن فیلم، وە گرنگیدانیگ تایبەت وە ئۆپێرا و رووشنعویری چینی، چەوڕێ کرێد  دویای تەواوکردن پرۆگرامەگە تێزەگەی بنویسێد.

وەپای خەوەریگ لە "South China Morning Post" ئوزەڵدەرەیلی  هیوادارن رۆبۆتەگە ئامادەی گشت وانەیل بوود و وە هویری تێبینی وەربگرێد.

رۆبۆتەگە وەلایەن کۆمپانیای "DroidUp Robotics"وە هاوکار زانکۆی شەنگەهای ئەرا زانست و تەکنەلۆژیا ئەوزەڵدریاس ، جیاوازیی لێوایگ وەرد  هاوتا مرۆییەیلی  نییە، بەرزییەگەی ١٧٥ سانتیمەتر و کێشی ٣٠ کیلۆگرامە و لە مرۆڤێکی ئاسایی چێد، هەمیش توانای کارلێککردن وەرد دەوروگەردی دیرێد نە تەنیا لەری قسە قکردن بەڵکم لەری دەموچەوی ک وە چینیگ سلیکۆن پووشریاس.