شەفەق نیوز/ ئەلێکس ژاڤۆرۆنکۆڤ، وەڕێوەبەر جیوەجیکار کۆمپانیای ئینسیلیکۆ مێدیسین، ئمڕوو جمعە، ئاشکرا کرد، جیهان  یەکەم دەرمان وەخوەی دوینێد کە وە تەواوی وە زیرەکی دەسکرد لە ماوەی تەنیا پەنج تا شەش ساڵ دروس کریاس، دووپاتیش کرد کە کۆمپانیایەیل لە هاتە پێشبڕکێی وەرد وەختەو ئەرا وەدەسهاوردن ئی پیشکەفتن زانستییە.

لە دیداریگ وەرد کەناڵ بلومبێرگ، ژاڤۆرۆنکۆڤ وتیش: ئیرنگە کۆمپانیای ئینسیلیکۆ زیاتر لە 40 پڕۆژەی پەرەپیدان دەرمان ناوخۆیی وە زیرەکی دەسکرد وەڕیەو بەێد، لە تەقەلای زویکردن پەیاکردنە پزیشکییەیل و کەمکردن خەرج و وەختەیل کە وە شیوەیگ گشتی پەیوەندی وە پەرەپیدان چارەسەرە تەقلیدیەیل دیرێد.

لە وەختیگ پیشەسازی دەرمان هیمان هاناو تاقیکردن زیرەکی دەسکرد لە قۆناغە تایبەتەیل توێژینەوە، ئینسیلیکۆ ناوازەس لە تێکەڵکردن ئی تەکنەلۆژیا ئەرا گشت قۆناغەیل.

کۆمپانیا گەورەیل جویر تاکێدای ژاپۆنی چینەسە ناو کڕ تاقیکردنە پیشکەفتگەیل، نزیکە لە تەواوبوین تاقیکردنەوە کلینیکیەیل ئەرا چارەسەری سەدەف کە وە وەکارهاوردن زیرەکی دەسکرد پەسەن کریاس، یەیش نشانەس ئەرا ئاڵشتکاریەیل راسگانی لە شیوەی پەرەپیدانی دەرمانەیل لە ئاست جیهانی.

کارەیل کۆمپانیای ئینسیلیکۆ لە ئەمریکا و چین و کەنەدا و خوەرهەڵات ناوڕاس فراوانتر بویە و لەی دویایبە بەهای بازاڕ خوەی ئەرا زیاتر لە یەک ملیار دۆلار بەرزکردگە دویای خولیگ تایبەت وە پویلداین وەرد دووارە داواکاری ئەرا لیستکردن لە بۆرسەی هۆنگ کۆنگ.