ڕووژێگ پیاێ وەژێر ساڕکی دار گردەکانێ نیشت تا تەزێ دەر بکەێد و شەکەتی دەرچوو وەی وەختە چەوێ کەفتە کووی تەمەڵەیلێ(کدوتنبلهایی) کە وەو لاێ دارە سەوز کردۊن وەت :
خودایا گشت کارێگد ئەڵاجەۊە !
کووی وەی کەڵێنییە وەبان بنجگێ وەی بۊچگییە تیەریدە ئەمەڵ و سەوز کەێ و گەورا بوو و گردەکانەیلێ وەی بۊچگیە وەقەێ دارێ وەی گەوراییە !
هێمان قسەگەێ تەمام نەۊد گردەکانێ لە قەێ دارە کەفتە خوارو وەقایم دا لە بان سەرێ.
پیاگە ئانێ لە شوونەی هەڵپەڕیە پا و ویر کردە ئاسمان وەت : خودایا هەڵەم بوەخش ! دی وەناو کارد تخوڵی نیەکەم ئەڕا یەگ هۊچ دیار نەۊ ئەگەر وەقەێ ئی دارە وەجیاتی گردەکان کووی تەمەڵ هاوردۊدە ئەمەڵ سەوز بکردیاد ئێرنگە بزان چە بڵاێگ وەسەرم هاتۊد.
ن.ش.
داوەری نکەیم
مەجڵس میوانیێ بی، ڕیش چەرمیێگ لە شوونەێ خوەێ هێزگرد ک بچوودە دەیشت ئەمانێ وەختی هەڵسا، گووچانەێ سەرتا گردە دەسا چۊن کە قەم گووچانە کردۊدە خوار، نیەتۊەنسیاد خاس ڕێ بکەێ ڕکیاد.
کەسەیلێ ک لەورە بین خەیاڵ کردن چۊنکە پیر بیە، دی ویرێ وەخوەیا نەمەنیە گووچانە چەواشە داسەێ گەز و نیەزانێ. وەی خاترە وە حاڵەت تۊلەکیانە وەتنە پێ : یە ئەڕا گووچانەد چەواشە دایدەسەێ گەز ؟
ڕیش چەرمێیە وە ساێ دەنگێ وە هوورمەتێگا وەت : ئەڕا یەگ ژێر گووچانە ها خاکا، نیەتوام فەرشەیلەدان بوونە خاکا.....
وریای داوەری کردنمان بۊم.
هەڵگەردان سادق جەلیلیان