شەفەق نیوز/  دوو کتاو "دارسان دەنگ خاسەیل" و "کێ هاوکڵاس ئیمەس؟" و بەرهەمیگتر  لە ئیلام نەماێش کریا.      

وەگورەی ڕاپۆرت ئاژانس مێهر،  کتاوە تازە بڵاو بۊیەیل داریووش هێمەتی لە بڵاوگەر باشوور، شاعێر و چالاکی فەرهەنگی ئیلام وە ناوەیل "چەپڵەڕێزان"، دارستان دەنگ خاسەیل" و " کێ هاوکڵاس ئیەمس؟" وە ئامادەبۊین دکتۆر مەهدی ئەحمەدخا، نووسەر و ڕەخنەگر ئەدەب و بڕیگ لە هونەرمەنەیل و شاعێرەیل کوردزوان لە ئەنجومەن ئەدەبیات کوردی هانا لە حەوزەی هونەری ئیلام نەمایش کریا.    

ئەحمەد خان، کتاو "دارسان دەنگ خاسەیل" و "کێ هاوکڵاس ئیمەس؟" وە یەکەمین کتاوەیل ئەدەبیات تازەلاوان وە زوان کوردی وەسف کرد و وتیش: تا ئیسە بەرهەمگ ک سەروەخی هاتیەسە مژار تازەلاوان نەدۊینریایە و بڵاو بۊین ئەو دوو بەرهەم لە بەڕێز هیمەتی ک یەکیگ شێعری تازەلاوان و ئەوەکەتریش چیرۆک تازەلاوانە، جی دەسخوەشی و رێزە.