شەفەق نیوز/ دویەتە کەژەوانیگ خەڵک باشوور کوردستان و دانشتگ سوید لەدویای گەشتیگ دویژ توەنست بڕەسێدە بان یەکیگ لە لویتکە کویل بەرز شەش هەزاریەگان زنجیرە کویەی هیمالایا لە وڵات نیپال، لوتکەی کویەی “ئایلەند پێیک- Island peak”ە.
دویەتە کەژەوانەگە سۆما بانیخێڵانی، راگەیاندیە، حەز کەێد ل گەشت و گەردین و وەرزشکردن وەناو سرووشت، کەشەوانیش یەکیگە لە حەزە هەمیشەیەگانی و ساڵانیگە هاتیەسە ناو ئەو مژارە.
فیدراسیۆن کەشەوانی کوردستان لە لەزوانی سۆما ئوشێد، ئەزموون شاخەوانی و شاخڕەوی، هەمیش گەشت و گەردین ناو سروشتی لە سوید دیرێد و وەردەوام وەرزش کەێد.
لوتکەی ئایلەند پێیک، شەش هەزار و 165 مەتر لە ئاست دەریاوە بەرزە، کەفتیەسە سنوور ناشناڵ پارک “ساگارماتا” لە ناوچەیل زنجیرە چیای ھیمالایا لە خوەرهەڵات وڵات نیپاڵ.