شەفەق نیوز/ لە شیروای ئەڵاجەوییگ، دوێەتیگ لە سوریا، لە مەوقەی داواکردنی پەڵپ ئەڵاجەوییگ ئەرا شیرواگەی گرد، ئەوەیش لە داوای پارچەیل وزەی خوەی لەبان ماڵ دویارووژی، جوور شیروایگ ئەرا مارە بڕینی.

ئی مەرج ئەڵاجەویە لەناو زیان سوریەیلە تیەێد وەگەرد بڕین کارەبا، لە پشت ئەو جەنگە ک جووراجور کەرتەیل ژیان لە سوریا ویران کرد، و هەڵبەت وزەیش وەگەردیان.

فرە لە خەڵکەگە ناچار بوون پەنا وە پارچەیل وزەی خوەر بیەن تا کارەبا بڕەسنە ماڵەیلیان، چوینکە ئەو جیگرەیلەی کارەباگە گرانترن، و مەردمەگە کەمدەسن.

بڕێ لە هەڵکەگە وەی پەڵپ ئەڵاجەویە رازی نەوین، و بڕیگیش پشتگیری ئەو مەرج شیروا کردن.

پشتگیرەیل مەرجەگە ئویشن ک یە ئاسانترین مافەیل مرۆڤە ک لە گشت وەختەگە کارەبا بیاشتان، و (نەوال) خاوەن پەڵپەگە خوازێد ژیانیگ ئارام لەماڵ شویەگەی بوەێدە سەر.

وەرانەوەر ئەوە، ناڕەزایلە وتن: ئی پەڵپە لە شوین خوەی نییە، چوینکە بایی ٥ مەلیۆن لێرەی سوری خوازێد، و بار شویەگە سەنگینەو کەێد، ک رەسێدە ١٥٠٠ دۆلار ئەمریکی، و مەردمەگە لەی مەوقە نەداران، و رێژەی مووچەیلە رەسێدە ٢٠ دۆلار لە مانگیگ.