شەفەق نیوز/ دویەتیگ 17 ساڵان ئەمریکی بڕوانامەی دکتۆرا لە تەندروسی رەفتار لە زانکۆی  ویلایەتی ئەریزۆنا وەرگرێد.

وەپای خەوەریگ لە "لوبنان٢٤"، دۆرۆتی جین تیلمان خەڵک شاری ساوس ساید لە شیکاگۆ و لای داڵگی لە ماڵەوە خوەستیە و لە تەمەن 10 ساڵی گام نایە وەرەو خوەنستن باڵا، تیلمان لە تەمەن ١٢ ساڵی بڕوانامەی بەکالۆریۆس لە زانستە مرۆییەگان وە دەسهاوردیە و لە تەمەن ١٤ ساڵی بڕوانامەی ماستەر وەدەس تیارێد.

تیلمان لە ماوەی کارکردنی  لە خوێندن باڵا خول رویوەرویبوینەوە و ئۆنلاین تەواو کردیە، تیلمان ئوشێد: "لە تەمەن فرە بویچگیگ فرە چشت بویە زوی وەدەسی هاوردمە،  هەمیش  گاجاریگ هویرەو کەم یە جویریگە لە شیتی، گشت ئیانە وە ئەنجام رەسانمە".

بیجگە لە دەسکەفتە ئەکادیمیەگە تیلمان شاعیر و سەماکار و خاوەنکاریشە، لە ساڵ 2020 دامەزراوەی سەرکردایەتی دۆرۆتی جانیوسی دامەزراندیە، کە بەرنامە ئەرا گەنجەیل شیکاگۆ دابین کەێد.

وەپای خەوەریگ لە  ئێن بی سی شیکاگۆ، تیلمان باس لەوەکردیە، گامەیل ئایندەی بریتیە لە ئاهەنگکردن وە بوونەی 18 ساڵ بونی بەشداریکردن لە دەرچگن ئەرا بڕوانامەی دکتۆرا.