شەفەق نیوز/ لەی ساعەتەیل گوزەشتە، خەوەر خیانەتکاری بازیگەر یانەی بەرشلۆنەی ئیسپانی جیرارد "بیکێە" ئەرا یارەگەی گوورانیچڕ کۆلومپی ناودیار "شاکیرا" بڵاو بوی. 

جیراد بیکێە لەی ماوەی دویایە وەگەرد خانمیگ لە تیم ریکۆی بویج لەیەکیگ لە ژوورەیل تایبەت لە یانەیل شەوانە لە باکوور هەرێم کەتەلۆنیا وەگەرد چەن ژنیگ کەفتە دی.   

رووژنامەی EL Periodico کەتەلۆنی باس هویرەدەکارەیل ئەو قەیرانە کرد ناوبەین بیکێە وشاکیرا، ک ئیسە زوور لە دەروین بیکێە دیرێد، وەگەرد کۆتایی وەرزی وەگەرد پەرشەلۆنە.     

رووژنامەگە دووپات کرد ک ئەو دووانە لە ئادار گوزەشتە تا ئیسە وەیەکەو دیاریان نەوەیە. 

یەکیگ لە نشانەیل ئەو شیواننە لە دووسییان، گورانیە نووەگەی شاکیرا بوی، ک لە مانگ نیسان وەناونشان Te felicito بڵاوی کرد، و قسەیل گورانیەگە گشتی گلەییە، وهەمیش یە دوو جارە شاکیرا وەگەرد دوو مناڵەگەی چوود ئەرا دوورگەی ئیبیزای ئیسپانیا، و بیکێە وەگەردی نییە.