یەشیم دمیر و نیزامەدین گورسو مەوقەی خوەرئاوا، لەناو دیمەن رەنگینیگ لەبان سەنگ بەرزیگ لە شار کاناکالی لە باکوور خوەرئاوای تورکیا، ئاهەنگ دەزویرانی کردن.

دویای ئەوە ک نیزامەدین وە یەشیم وت: شوی وەپیم کەێ؟ و یەشیم رازی بوی، نیزامەدین چی تا هەڵقەی دەزویرانی لەناو ماشینەگەی بارێد، دەنگ قیژەی یەشیم هاتە بان، و هەناێ گلەو خوارد، دی ک دویەتەگە لە بەرزەی زیاتر لە ١٠٠ پا کەفتیەسە خوارەو.

پیاوەگە ئەرا میدیایل راگەیانن وت: ئی شوینە پەسەن کردیمن تا جویر یادگاری رۆمانتیکی وەی دەزویرانیە ئەرامان بمینێد، کەمیگ مەی نووشیمن، و  دویەتەگە خاس سەرپا نەگردیە و کەفتە خواروو.

یەشیم لە تەمەن ٣٩ ساڵان، دویای ئەو کەفتنە وەگیان بوی، وەلێ دویای ٤٥ خولەک گیانی لەدەسدا.

ئەو کنار ناودیارە لە شارەگە، کەسەیل فرەیگ ئەرای چن تا بنووڕنە مەوقەی ئاوابوین خوەر، وەلێ تەیمانەیگ نەیرێد تا کەسیگ لەو کنارە نەکەفێد.