شەفەق نیوز/ راپۆرتەیلیگ دوێەکە دووشەممە، ئاشکرا کردن ک ئەکتەر ئەمریکی تانیا رۆبرتس نەمردگە، ئەوەیش وەپێچەوانەی قەسەیل مایک بینجل برادەری و قسەکەر وەناوی.

مایک بینجل قسەکەر وەناو تانیا رۆبرتس ئەرا گۆڤار بیبول ئەمریکی، دوێەکە دووشەممە، وت: تانیا لەدویای بردنی ئەرا خەسەخانە لە ٢٤ کانون یەکەم گوزەیشتە، و داناینی لەژیر ئامێر هەناسە، مرد.

وتیش: تانیا رۆبرتس لە ساعەت دەی شەوەکی دوێەکە دووشەممە لە ژیان بوی، وتیش؛ لانی ئۆبراین هاوسەری پەیوەندی لە خەسەخانەگە لە خەوەر مردنی وەرگرد.

لە رووژ یەکشەممە، قسەکەرەگە وەناو تانیا لە ماڵپەڕ تی ئێم زەت وت: لە وەختیگ گوزەیشتە لەو رووژە مردگە، ئەوەیش لەبنەمای قسەیل هاوسەرەگەی ئەرا ماڵپەڕەگە، ک وت: لەبان دەس خوەی لە خەسەخانەگە هەڵی گردگە نووڕستە پی هەنای چەوەیلی واز کرد و بەسادەیان، تا مەزەنەی بکەێد ک مرد، و ئمڕوو سێشەممە، ئۆبڕاین ئەرا ماڵپەڕەگە وت: ک خوەی پەلە کردگە لە راگەیانن مردن تانیا رۆبرتس هاوسەری، دویای ئەوە ک لای خوەیەو لە چەو بەساننەگەی مردگە، و دی لە بیزاری خوەی پرسیار لە تیمە پزشکیەگە نەکردگە