شه‌فه‌ق نيوز/ بنه‌ماڵه‌ێ پاشايه‌تى بريتانى يه‌كيگه له ناودارترين بنه‌ماڵه‌ێ ده‌سڵاتدار له جه‌هان، ك مه‌ردمان فريه‌يگ له جه‌هان چه‌وديرێ هه‌واڵ ئه‌ندامه‌يليان ئه‌كه‌ن چ له‌باره‌ێ ژيان تايبه‌ت يا گه‌شته‌يليان وه‌ره‌و ده‌يشت وڵات.
له‌ى دوياخريشه، رووژنامه‌ێ "The Sun" بريتانى له راپۆرتيگى باس له‌و ده‌وڵه‌ته‌يل ئۆرپيه كرد ك تائيسه "ئيلزابيس دويه‌م" شاژن بريتانى سه‌ردانيان نه‌كردگه.
ئاماژه وه ئه‌وه ئه‌كريه‌ێد ك شاژن بريتانى له ماوه‌ێ ده‌سڵاتى ئه‌را 65 ساڵ سه‌ردان ده‌وڵه‌ته‌يل فريه‌يگ له جه‌هان كردگه‌و ئه‌ڕه‌سيده 116 ده‌وڵه‌ت، ئه‌ويش وه ئه‌وه‌گ جوور به‌شيگه له ئه‌ركه‌يل ده‌سڵاته‌گه‌ێ، وه‌لێ ته‌نيا ده‌وڵه‌تيگ هه‌س شاژن برتانى سه‌ردانى نه‌كردگه.
راپۆرته‌گه وت: شاژن بريتانى سه‌ردان ده‌وڵه‌ت "يۆنان" نه‌كردگه له‌وه‌ختيگه‌و چيه‌سه بان ته‌خت ده‌سڵات و ته‌نيا له وه‌ختيگ جايه‌ڵ جوان بويه وه‌رجه شويكردنى سه‌ردانى كردگه، يه‌يش له وه‌ختيگ ك مير "فيليب" هاوسه‌رێ سه‌ر وه خيزان پاشايه‌تى يۆنانيه.