شەفەق نیوز/ وەڕێوبەرایەتی گەنج و وەرزشی دیالە، ئمڕوو جمعە، ئاشکراکرد لە زەنجیرە پەیمانیگ لەلایەن عەدنان درجال وەزیر گەنج و وەرزشی لە وەخت سەردانەگەی ئەرا پارێزگاگە ک دوو رووژ وەپی چگ.
هەیسەم عەبدولسەتار وەڕێوبەر گەنج و وەرزشی لە دیالە ئەرا ئاژانس شەفەق نیوز وت: درجال پەیمان دا وە تەواوکردن پرۆژە وەرزشی و گەنجیە وسیایەگان و دەسکردن لە داناین سەنگ بنەڕەتی ئەرا شارە وەرزشیەگە ک لە چەن ساڵیگ وسیاگە لەوەر هووکارەیلیگ هونەری ودارایی، و دووپاتکرد ک وەزیرەگە دویای تەواوبوین نەقشە سەرەکیەگان و بڕیاردان بوودجە فیدڕاڵیەگە سەنگ بنەڕەتیەگەی دانەێد.
وتیش؛ وەزیرەگە جوولەی چەودیریکردن ئەنجام دا لە دامەزاروە وەرزشیەگان لە پارێزگاگە و بەشداربوی لە ئاهەنگ وچالاکیەیلیگ گەنجانە، لەناوی خەڵات کەسایەتیەیلیگ وەرزشی وناودار لە دیالە کرد، پەیمان دا وە چارەسەرکردن گشت گرفتەیل کەرت وەرزشی، وپشتگیری یانە وەرزشیەگان.
وتیش؛ بانگواز وەزیرەگە ئەرا هانداین دەرفەت وەبەرهەمهاوردن وەرزشی و دابەشکردن زەوی ئەرا وەرزشکارەیل و کادرەیل کەرت وەرزشی لەوانەگ خزمەت ئەرا پارێزگاگە پێشکەشکردن و هووکاربوین لە سەرکەفتنەگان، وەهەماهەنگی وەگەرد وەڕێوبەرایەتی پارێزگاگە و فەرمانگە پەیوەندیدارەگان.