شەفەق نیوز ـ وەدویاچگن

راپۆرتە پزیشکەیەیل هووشداری تون دەن لەبان رخداری نوشین وەزەوەخشەیل و وە بۆمبیک وەختانە ئەرا لەناوبردن تەندروسی لەش ناوی بەن.

هەرچەن فرەیگ لە مەردم ئەرا دەسکەفتن وزەی خێرا و زیایکردن سەرنج لەوەخت کارکردن پەنا وەر نوشینەیل وزە وەخش بەن لەو باوەڕەن خێراترین ریگەس ئەرا رزگاربوین لە شەکەتی باوجی راپۆرتە نوویەیل پزیشکی ئاشکزاکەن ئێ نووشینە جویر بۆمبیگ ئەتۆمیین ئەرا رمانن تەندروسی.

دامەزراوەی خوەراکی و دەرمانی ئەمریکی  (FDA) لەباوەت بڕ ریگە وەپیدریاگ رووژانە و چوینیەتی کەمکردن رخداریەیل راگەیان بڕ کافاین وەکارهاوریاگ رووژانە وە چای و قاوەش نیەود   400 میلیگرام رەدبوود؛ هەمیش گرنگیدان وە خەو رێکی شەو و نوشین ب خاسیگ ئاو توەنێد کەمیگ لەو رخداریەیلە کەم بکەێد.

 بیجگە لە رخداری بەرزی کافاین ئێ نووشەمەنیە بڕ یەکجار بەرزیگ شەکر گرێدەخوە کە وە رەدبوین وەخت رخداری تویشهاتن وە بیماری شەکر لە جویر دویەم و چاخی وەشیوەی وەرچەو زیایکەێد.