شەفەق نیوز/ لە کاریگ ئازایی، داڵگیگ هیندی وە دەسەیلی جەنگ وەرد پەڵنگیگ کرد، تا کوورپەگەی لە چنگی درارێد.

چنگیر ئەو پەڵنگە چینە ناو سویەی "ئارشانا شودهاری" لە تەمەن ٢٥ ساڵان، هەنای تا ماوەی دوو خولەک جەنگ وەگەردی کرد.

ئەو داڵگە لە ئاوای روهانیا نزیک ناوچەی پڵنگەیل لە ئۆماریا، توەنست کوورپەگەی لە قەپ پەڵنگەگە درادێد، و هەردوگیان وە زنی لەدەسی دەرچگن.

وەگورەی رووژنامەی "تایمز ئۆف ئیندیا" ئەو پەڵنگ وەرسگە، خوەی رمانە بان کوورپەگە، و خوازیە دگانەیلی بخەێدە مل مناڵەگە، و داڵگەگەیش لەبان سەری وسیاگە.

ئارشانا دەسکردە قیژە و هاوار، و مەردم ئاوایەگە هاتنە هانای، و وە پەلامار پەڵنگ دان.

بی بی سی بەریتانی لە زوان دکتۆر میشسی روهیلا وت: داڵگ ومناڵەگە رەسنینە یەکەی چەودیریکردن هویرد، و دەرزی دژوە دەرد سەگ لەلیان دریا.

پزشکەگە ئەرا بی بی سی وت: زەخمەیل کوورپەگە رخبەر نییە، باوجی زەخمەیل داڵگەگە قویلە، ک سویەی کونا بویە و لەشی زەخمدارە.