شەفەق نیوز/ مودیر گەشتیاری و میرات فەرهەنگی ئوستان کرماشان، مزگانی دا وە دووسخوازەیل تەمۊرە و وت: تیمێ لە کارناسە‌یل ئوستان، پەروە‌ندە‌ی شارستان داڵاهوو و شار کرن بردنە سازمان گەشتیاری و توانستن نام ئی شارە وە‌وێنەی پایتەخت تەموورەی ئێران، بنۊسنن.
خەڵک داڵاهوو، کورد گوورانی زوان و یارسانن.
زاراوەی گوورانی، زوان کتاو سە‌رئەنجام، کتاو خودایی هووز یارسانە و وە زوان گوورانی نۊسریاگە.
زوان گوورانی تا نزیکەی سەد ساڵ پێش ، زوان شێعر و سروو چڕین ئایینی کوردەواری بییە و فرە وە زاراوە‌یل کوردی ئەورامانی و لەکی نزیکە.
تەموورە، ساز خودایی کوردەیل، دوفێشتر هووز یارسان دە داڵاهوو، هووز کاکەیی دە عراق و دە هەرێم، هووز ئەهڵ هەق دە شارستانەیل سە‌حنە و کەنگاوەر و کرماشان و لەکستان و لوڕستان و هەمەدان و هەشتگردە.