شەفەق نیوز/ زانایەیل راگەیانن، لە لێکۆڵیەوەیگ لەبان یەکەم توومار دەنگی لەبان هەسارەی مەریخ کردیە دەرچگە وەپای بەرز و نزمی نۆتەیل جیاوازی هەس لە گواستنەوەی دەنگەیلە.
باس لەوەیشکردن، پشت وە پەنج ساعەت لە توومارەیل دەنگی بان مەریخ بەسانە کە لە ساڵ گوزەشتە وەلایەن کەشتیگ ئاسمانی و گەرۆک پێرسەڤێرەنس توومارکریاوێد، تونی دەنگ لەبان مەریخ یەواشترە وەک لە بان زەوی دەنگ لەبان مەریخ 240 مەتر لە لە ساعەتیگ بڕێد لە وەختیگ کە لەبان زەوی 340 مەتر لە چرکەیگ بڕێد.
وەپای زانایەیل، ئەنجامەگە مەزەنەکردیابوی، چوینکە کەشوهەوای مەریخ وە رێژەی ٩٥٪ بریتییە لە دوانۆکسید کاربۆن لە وەختیگ رێژەی ئەو پێکهاتە کیمیاییە لە بان زەوی بریتییە لە کەمتر لە ١٪ سەرەڕای ئەوەگ کە بەرگەهەوای زەوی نزیکی سەد ئەوەنە بەرگەهەوای مەریخ بوود.دەنگ تونی جیاوازیگ دیرێد لە بان مەریخ