شەفەق نیوز/ پیاویگ عراقی، شەو جومعە لەبان شەممە، لەناو هۆل ئاهەنگ سویر تەقە کەێد لە ولایەت میشیغان ئەمریکا لە مەوقەی ئاهەنگ سویر دویەتەگەی جویر نارەزاییگ لە سویرەگەیان وەگەرد کەسیگ لوبنانی.
بڕیگ بلۆگەر لە کۆمەڵەی عراقی لە ویلایەت میشیغان لەبان تووڕ کۆمەڵایەتی فەیسبوک ئمڕوو بڵاویکردنە، باوگ دویتە شمارەیگ تەقەی ئاسمای کەێد لەناو هۆل ئاهەنگ سویر لە ناوچەی "دیربورن" لە مەوقەی ئاهەنگ سویر دویەتەگەی جویر نیشاندان تویرەبوین و رەدکردن هاوسەرگیریان.
وتیش رویداوەگە هویچ زەخمداریگ نەکەفتیە لەناوین میوانەیل.
لە توومار ڤیدیۆیگ ک وەلایەن پەڕەی عراقیەیل لە ویلایەت میشیغان لە شەوەکی ئمڕوو شەممە، بڵاوکریاگە دەرچگە، بارودۆخ رخبەر و قاڵوقوی دروسبویە لەناوەین بانگهێشتکریاگەیل کەفرەیگیان ژن و مناڵن کە لەدویای تەقەکردنەگە دەسوەجی هۆڵەگە وەجی هیلن.