شەفەق نیوز/ قاچاخچیەیل چشتەیل مێژوویی و شۊنەواری لە شار ئامەد لە باکوور کوردستان خوازینە دەسنۊسیگ کۆن بفرووشن ک وە زوان عیبری نۊسیاگە، باوجی لەلایەن پۆلیس  دەسگیرکریان. 

دۊای ئاگاداربۊن پۆلیس شار ئامەد، لە  دەسنۊسیگ ک و نیاز بازرگانی  لەلایەن قاچاخچیەیل هەس، چەن پۆلیسیگ جۊر بسین دەسنۊسەگە پەیوەندی وە قاچاخچییەیلە کەن، و وەبڕ دوو سەد و بیس هەزار دۆلار لەبان سەنین ئی بەڵگە مێژووییە ڕێک کەفن، ئیجا لە مەوقەی وەرگردن دەستنۊسەگە و پۊل داینیان، دەس نریا بان  دەسنۊسەگە،  و قاچاخچیەیلیش دەسگیر کریان.

ئی دەسنۊس بۊچگە، چەرمەگەی لە پووس ئاژەڵ دروس کریاگە. دۊای دەسناین وەبانی، پێشکەش مۆزەخانەی ئامەد کریا.