شەفەق نێوز/ دە ئیاڵەت "چتیسگەر" دە وڵات "هندووستان" زاڕوو بێ‌خاون ک دە سەر رێ خست‌بینەێ وە دەس سەگ مایێگ نجات پەیدا کرد.
ئی سەگە وەختێ ک دۆتەگە وە بێ‌هاناڕەس دییە و دییە ک هێمان بەن ناوکەگەییش نەبڕیابی ئوو وە لۆت‌و‌چپلی فڕەێ دریاگە دە نام کووچەگە، بەزەیێ وەێ هاتگەو بردگەسەێ نام لانەگەێ خوەێ و شەو تا شەوەکی وەرد تیتگەێلەێ خوەێ ئێوەتێ کردگە.
شەوەکی ک مەردمەگەێ ئاوایی "ساریستاڵ" ک ها دە ناوچه‌ێ "مونگڵی" لە دەنگ گری و زڵە و وقەێ ئەو نووزادە ئەوڕەسینە کردنەسەێ دی و دانەسەێ دەس پولیس.
پولیس ئێیاڵەتی، ئێسە دەس‌کردگەسە بنەجووری ئەڕا وە دی کردن باوگ و داڵگ ئی زاڕووڵە.