شەفەق نیوز/ وەرپرس هاوڵاتیەیل میسری لە ئەڵمانیا، دەسگیرکردن هونەرمەنیگ ناودار میسری راگەیان هەناێ فرە سەرخوەش بویە لەناو فڕۆکەخانەی پەرلین.

عەلا سابت وەرپرس هاوڵاتیەیل میسری لە ئەڵمانیا، لەبان فەیسبووک ئاشکرا کرد کە پۆلیس ئەڵمانیا هونەرمەنیگ میسری ناودار دەسگیر کرد کە ناسیاگە وە رەفتارەیل سەرهەرزی، هەناێ فرە سەرخوەش بویە لەناو فڕۆکەخانەی پەرلین، دویای ئەوەگ بیزار مەردم کردیە.

وتیش: ئەو هونەرمەنە کە جەماوەری لەبان رەفتارەیل سەرهەرزیی ناسنەی، خریا ناو ژووریگ لە فڕۆکەخانەگە و لە ژیر چەو پولیس بوی، تا باێدە هووش خوەی.

وتیش: دەسەڵاتەیل ئەڵمانیا هیلن ئەرا وڵات خوەی گلەو بخوەێد، هەگ لە سەرخوەشی دەرچوود و باێدە هووش خوەی.

باوجی سابت ئاشکرای ناو ئەو هونەرمەنە نەکرد، ئەوەیش وەخاتر دەروین مناڵەیلی کە مەوقەی ئەو رویداوە وەگەردی بوین.

لە وەختیگ ماڵپەڕەیل سۆشیال میدیا پڕ لەی خەوەرە بوین، و فرە لە میسریەیل تەقەلا دان مەزەنەی ناو ئەو هونەرمەنە بکەن وەبی زانیارییگ راسی لە ناسنامەی.