پولیس یابان، کابرایگ لە شار کاواجاشی لە پارێزگای سایتامای یابان دەسگیر کرد، دویای ئەوە ک وەماوەی ٩ رووژ ٢٠٦٠ گلە پەیوەندی وە بەش پولیس کردگە، و سوکایەتی و قیڕە وەبان ئەفسەرەیل کردگە.

وەگورەی رووژنامەی «میرۆر» بەریتانی، ئەو پیاوە لە تەمەن ٦٧ ساڵە، پەیوەندیەیل بەدی ئەرا بەش پولیس پارێزگای سایتاما لەماوەی ٣٠ سیبتەمبەر تا ٨ ئوکتۆبەر ئی ساڵە کردگە ک بڕیگ قسەی گەن وەو کەسەیلە وتیە ک وەڵام تەلەفۆنی دانە.

پولیس پارێزگای سایتاما لە بەیاننامەیگ وت: کەفتیەسە وەر سووکایەتی وەلایەن ئی پیاوە، ک ڕیگری لە کارەیلی کرد، تا وەپی رەسین و دەسگیری کردن.

پولیس دیاری کرد ک نزیکەی ٢٧ ساعەت وەپی چگە تا وەڵام تەلەفۆنەیل ئەو پیاوە بەێد، ک هەر شەش خولەک پەیوەندییگ کردگە.

وەگورەی بەیاننامەگە، ئەو پیاوە وە ئەفسەرەیل پولیس وتیە: نەگ و دز ، و داوا کردیە لە کاریان دەرکریەن.