شەفەق نیوز/ لەناو ماڵپەڕەیل سۆشیال میدیا، وینەیگ بڵاو کریا جویر دەیدامیگ ناوی وە دراکۆلا نان، چوینکە شیوەی رخبەریگ دیرێد.
ئەو ماسیە ک کەفتە بان کناراوەیل کالیفۆرنیای ئەمریکا، دگان وەردەمین لەناو دەمی دیرێد، و باڵ گەپیگ لەبان پشتی هەس، و ماسیەگە فرە درویژ و بریقەدارە.
رووژنامەی دەیلی ستار بەریتانی لەزوان پسپۆڕ ژینگەی دەریایی کریستیان ئەنتونی وت: ئەو ماسیە وەرجە مردارەوبوینی جاریگ تر خریا ئاو، و وینەی بڵاو کریا وەئومید ناسین چینەگەی.
کریستۆڤەر مارتن وەرپرس بەش ماسی لە موزەخانەی زانست ئاژەڵ ئەو ماسیە ناسی، ک وت: ئەو ماسیە لە چین (لانسیت) گووشتخوەرە، ک ناسریاگە وە "بخوەر گووشت ئایم" و هاتێ درویژیەگەی بڕەسێدە هەفت پا.