شەفەق نیوز/ خەفتنیگ تەندروس دەسمیەتیدەرە تا کارەیل رووژانە وە خاسی ئەنجامبەێد، شیواشیو سیستەم خەو کرێد کاریگەری بەد لەبان گشت ژیاند دروسبکەێد

دكتۆر داریا لێبێدیڤا،  پسپۆڕ سیستم هۆرمۆن لەش یاسای "6T" خەێدەروی  كە دەسمیەتی خەفتن خاستریگ دەێد.

1. تێریکی

پەردەی ئەستور، ماسك چەو و کورەوکردن رووشنایی، دەسمیەتی بەرهەمهاوردن میلانین دەن، کە وە هۆرمۆن خەو و گەنجی ناسریاگە، ئێ هۆرمۆنە دوو ساعەت وەرجە خەفتن دەرچێد، هیلێد شەوان لە وەخت دیاریکریاگ بخەفید.

2. بیدەنگی

پزیشك پیشنیار ئەوەگ کەێد  گوشکپەوکەر وەکاربارێد یا   لە شوینیگ بیدەنگ بخەفید دویر لە دەنگەدەنگ.

3. پلەی گەرمی

هەوەجەکەێد ئەو وتاقەی لەناوی خەفید پلەی گەرمی لەناوەین   18 تا 20ی سلیزی بوود، تا لەش هچان بەێد.

4. پەڕوو

ئەو پەڕووە ئەرا روی شەوخەفەیل وەکارتێد، هەوەجەکەێد سروشتی بوود لە  لۆكە یا خام دوسکریاوێد.

5. كەمكردن تەكنەلۆژیا

توەنرێد لەجیای ئەوەگ تەکنەلۆژیا ئەرا وەخت وەسەربردن بوود سوود لەلی وەربگرێد جویر ئاگادارکردن شوەکیان، یا کۆنترۆلکردن پلەی گەرمی و سیستەم رووشنایی ماڵ.