ئی کتاوە وەناونشان (گەردوون لەناومان) باس نووڕین نویسەرەگە کەێد لە دروسبوین چشتەیل، کە نووڕێدە سەنگەیل، و هویر خوەی لە دروسبوین گەردوون شیەو کەێد.

شوپین لەناو کتاوەگە ئویشێد: وە نووڕستنیگ ئەرا ئاسمان، من و برادەرەگەم، جویر دوو کڵاو سیا، لەبان زەوی بەرزیگ، لە سەنگ، و وەفر، و یەخ دیار دایمن، کە وەسەختی ئەرا ئەو چادرە گلەو خواردیمن، کە کەفێدە کەناریگ ناوەین دووان لە مەزنترین پارچە یەخەیل بان زەوی.

ئویشێدیش؛ رەسیمە نووڕینیگ لە ژیان و گەردوون، دویای ئەوەی بەشیگ لە ژیانم وە تەماشاکردن سەنگەیل بان زەوی تەواو کردم، تا مینەی ئەو مەچیرەیلە بکەم کە رەسێدە دروسکردن لەشمان.

لە یەکەم کتاوەگەم، (ئەو ماسیە لەناو تو)، لەناو گشت ئەندام خانەیگ یا پارچەیگ DNA نزیکەی ٣.٥ ملیار ساڵ لە میژوو ژیان لەناوی هەس، و لەبان ئەوە، بەێدەمان ئەرا چیرووک مرۆییگ لەناو کرمەیل ناو سەنگەیل، و لە DNA ماسیەیل، و لە خەوزاخەی ناو گوڵەمەیل.

هەنای هویر وەی کتاوە کردم، ئاشکرا بوی کە کرمەیل، و ماسیەیل، و خەوزاخە، دەروازەی فرە فراوان تا ئەرا بلیۆنا ساڵ وەرجە ژیان و وەرجە زەوی لەناومان پەیابوین ئەسارەیل و جویلەی توخمەیل ئاسمان و بنچینەی رووژەیل نویسیاس.

وەرجە نزیکەی ٧ ١٣ بلیۆن ساڵ گوزەشتە، گەردوون تەقیان گەورەیگ کرد، کە ئەسارەیل دروس بوین و مردن، دویای سەردەمەیلیگ لەوە، زەوی وەدەور خوەرا گەردی، و کویە، و دەریایل، و گشت کیشوەرەیل دروس بوین، و گوما بوین.

نویسەرەگە رەسێدە ئەو باسە کە ئویشێد؛ لە شکیان بویچگترین زەڕەیل و مینەکردن لە گەورەترین گەلەئەسارەیل، و ئاشکراکردن سەنگەیل لە بەرزی کویەیل، و لە قویلایی زەریایل، و هاوردن سیستەم DNA لە گشت چشتیگ زنی لەی وەختە، ئەوەسا ئاشکرای راسییگ باڵا و رەنگین کەید، کە لەناو گشت کەسیگ لە ئیمە، بەشیگ لە قویلترین چیرووکەیل هەس.