لەناو کتاو (کەی: ئەو نهێنیەیل وەکارەیلە ئەرا مەوقەی گونجیاگ) ئەو وەڵامەیلە دیار دەێد، کە دانیال ئیچ بینک نویسەر کتاوەگە چوودە بن جەهان دیارکردن وەخت و مەوقە، و ئاشکرا کەێد کە چوین وەشیوەی گەورەیگ کاریگەری لەبان ژیانمان دیرێد.
یەکەم گلە چوودە ناو فەلسەفەیگ، کە ئویشێد ژیانمان زنجیرەی بڕیارە، (کەی) کەی دەسوە کاریگ بکەیمن، کەر واز باریمن، کەی هویرەو لەو کارو بکەیمن و بڕیار خوەمان بفامیمن، کە توەنیمن خشتەیل خوەمان خاسەو بکەیمن تا کارمان خاسترەو بوود.
یەکیگ لەو رەسینەوەیل سەرەکیە کە بینک باسیان کەێد وەناو "كرونوتايب" کە نشان خوازین سروشتی کەسەگە دەێد وەرەو گورجی لە شەوەکیان و شەوان.
باس کەێد کە چوین دیاریکردن "كرونوتايب" لە خشتەی ئەرکەیل لە مەوقەی گونجیاگ وەگەرد ریتم خوەمان، ئەرا نموونە، شەوەکیان هەمیشە خاسترین وەختە ئەرا دووارە نووڕین ئەرا ئەوانەگ لە شەوەکیان گورجن، لە وەختیگ ئەوانەگ وە شەوان گورجن، ئەو کارە خەنە دویادویای رووژەگە.
بینک هەمیش باس کاریگەری بردن هوچان کەێد، وەو جویرە نییە کە ئویشن هن تەمەڵیە، بينك نشان دەێد کە هوچان بەشیگ سەرەکیە ئەراک مقیەتیکردن بەهرە و توانا، جویر سەیران کوڵیگ، ئەڵاژیان، تا مەغز نووەو بکەێد و توانا خاسترەو بوود.
بینک هەمیش باس داوەزیان لەناوڕاس ریەگە کەێد، کە وزە و مۆڕاڵ لەناوڕاس هەر تەقەلایگ کەمەو بوود، ئەراوە ئی خاڵ تاوڕاسینڵ جویر هاواریگ ئەرا لەخەوهەڵسان وەکار تیەرێد، جویر دەرفەتیگ ئەرا هەڵسەنگاندن ئامانجەیل، و دووارە وەکارخستن وزە.
لە دویاترین بەش کتاوەگە، بینک تەمەی جیوەجیکردن بنەمای دیاریکردن وەخت لە ژیان رووژانە دەێد، کە تەمەیلە تەکتیکیگ وەناو "نابوچينو" هاناوی - سەرخەویگ کوڵ ئیجا قاوە- ئەرا نووەوکردن مەغز وەشیوەی زویوەزی، و گرنگی هەماهەنگی وەرد ریتم سروشتی ئەرا ژینگە و کارەیل کۆمەڵگا.